Flashmoob 4º de Primaria

O xoves 22 de marzo, os alumnos e as alumnas de 4º de Primaria fixeron un pequeno baile sorpresa no recreo, que prepararon na materia de Educación Física.

Apadriñamento lector

O día 24 de Abril, no cole, os libros e a lectura invadiron o patio de recreo. A alegría e ilusión fan deste festa  algo especial ....  Como é habitual, os padriños e madriñas durante os días anteriores organizaron os preparativos: 

1ºContactar cos seus afillados nos recreos para averiguar as súas preferencias lectoras.
2º Escoller os contos na biblioteca, para  preparar a lectura. 

Neste día todos e todas estaban preparados para o goce das lecturas.
Os padriños e madriñas acudiron ás aulas dos máis pequenos a recoller aos seus afillados/as. Saíron ao patio en busca dun lugar axeitado, e mentres soaba a música, nenos e nenas compartían historias, risas.... e  moita emoción.
Ao rematar a lectura os afillados/as agasallaron aos padriños/as cuns marcapáxinas.
De regreso ás aulas todos/as mostraban a emoción polo momento compartido.  

FOTOS

As nenas e nenos de 5º B no horto.

 Este curso a profe Encarna preparou moi ben o  horto. Plantamos, regamos e aprendemos moitísimo.

 

As nenas e nenos de 5º foron a Vitrasa.

Fixemos unha saída a Vitrasa moi interesante. Montamos en diferentes autobuses, estivemos na sala de control, sorprendímonos coa electrónica...
                                                    
                                                         ¡¡¡Pasámolo moi ben!!!

PAÍSES DE EUROPA

                  Selene e Marta fixeron un traballo sobre os países de Europa. ¡Bo traballo!

VISITA A BIBLIOTECA XOSÉ NEIRA VILAS

Iniciamos o terceiro trimestre  festexando o Día do Libro Infantil e Xuvenil (2 de abril) na biblioteca Xosé Neira Vilas.
 Toda a rapazada de 3ºA e 3º B realizaron  obradoiros sobre os libros traballados de:

                              Fran Alonso : " O MEU GATO É UN POETA"
                              Pinto e Chinto: " NOVAS MINIMALADAS"

Foi un traballo en equipos e despois de organizarse e distribuir as tarefas, podemos dicir que quedou xenial!!!

Visitar a biblioteca e opinar. A que son uns futuros e futuras  escritores/as !!

CANTIGAS - PERGAMEO VINDEL

O venres 23 de marzo, o alumnado de 6º de Educación Primaria, asistiu a un concerto didáctico no Auditorio do Concello de Vigo.

            Os mestres da ETRAD mostraron os instrumentos que imparten na escola neste concerto didáctico, organizado e promovido polo Servizo de Educación do Concello de Vigo, coa idea de achegar aos estudantes as músicas do Pergameo Vindel desde a visión propia dos mestres da ETRAD, que arranxaron para a ocasión, as sete cantigas de Martín Códax.

Ao longo  do concerto ademáis de desfrutar coa interpretación das Cantigas  vimos vídeos explicativos sobre o contexto histórico no que se crearon as mesmas e os avatares do descobrimento e da investigación do pergameo por Francisco Vindel.

Foi un pracer escoitar a arpa, a zanfona, a gaita, o chelo, o acordeón, o tamboril …. e coñecemos un novo instrumento o udu, instrumento de percusión de Nixeria.

Noraboa pola calidade do concerto e por promover a nosa cultura, aos Mestres da ETRAD de Vigo e ao Servizo de Educación do Concello de Vigo.