O alumnado de 1º e 2º de primaria hoxe no cole para conmemorar o día da árbore, realizamos unha actividade conxunta, plantamos, nunha zona  da nosa escola, varias árbores que nós mesmos sementamos este curso.
Esta actividade está vinculada ao proxecto do horto que retomamos este curso con máis propostas e maior implicación por parte de todos.

Na imaxe podemos ver aos afortunados compañeiros e compañeira que lles tocou plantar un loureiro, dúas nespereiras e un acivro . Agora restanos poñerlles uns letreiros co seu nome , ademáis  de coidalas moito para que medren connosco.

Os nenos e nenas que veñen á clase de Relixión, fixeron uns pasos de Semana Santa. 
Así de ben lles quedaron.

Neste vídeo podedes ver o proceso:

DÍA DA MULLER TRABALLADORA

O día 8 de Marzo celebramos no CEIP O POMBAL o "DÍA DA MULLER TRABALLADORA" lembrando as mulleres que destacaron por algo nas súas vidas, así como a todas aquelas mulleres que sufriron ou están sufrindo violencia contra elas.

Ademais de traballar nas aulas rematamos esta xornada cun Flasmob pola violencia.

 

TEATRO

O alumnado de 1º e 2º de educación primaria hoxe fomos ao teatro,  ver a obra titulada:
 " Garbancito en la barriga del buey".


Esta obra da compañía xerezana " La gotera de Lazotea", logrou o premio ao mellor espectáculo de monicreques na última edición de FETEN (2017), a Feira Europea de Artes Escénicas para Nenos e Nenas.

 

  (Preme na imaxe para ver FOTOS )

Queremos compartir coas nosas familias unha pequena mostra desta obra que tanto nos agradou.  FOI  XENIAAAAAL!!!!

Concerto didáctico sobre música galega

O martes 27 de febreiro de 2.018 o alumnado de 5º e 6º de Educación Primaria asistiron a un Concerto didáctico sobre a música galega e a súa evolución. Tivo lugar no auditorio Martín Codax e foi interpretado polo Grupo de Música Tradicional do Conservatorio Superior de Música de Vigo.

O programa foi moi variado: xotas, muiñeiras, un alalá, un pasodobre. As súas interpretacións foron de gran calidade.

Ademais dos instrumentos tradicionais como : a zanfona, o tamboril, o pandeiro , o bombo e a gaita, tamén escoitamos clarinetes, saxofóns, a tuba e o acordeón.

O remate da súa actuación cantamos con eles o retrouso do Pasodobre de Imende.

Aquí vos deixamos unhas imaxes do evento. Onde o alumnado e o profesorado desfrutamos moito.

Parabéns ao Conservatorio Superior de Música de Vigo e ao Concello  por promocionar a cultura musical.

                                   ( Preme na image para ver todas as FOTOS)

 
Neste 2º trimestre  presentóuselle ao alumnado o material có que poderán xogar nos patios de recreo. Esta é unha iniciativa  que xorde da necesidade de potenciar e impulsar diferentes xogos na hora de recreo.

         O obxectivo principal é considerar o patio coma un espazo máis de aprendizaxe,  deste xeito todo o alumnado ten a mesma oportunidade de gozar de todo o patio e de xogar a unha  gran variedade de xogos/actividades que sastifagan  á diversidade existente. 

Por outra banda intentase fomentar no centro educativo os valores, as actitudes e as prácticas que permitan avanzar no respecto á diversidade e a igualdade de oportunidades.

 Resulta necesario establecer actividades lúdicas có fin de contribuír á adquisición de habilidades e competencias sociais e persoais que fomenten o desenvolvemento equilibrado social e cívico e garantan a igualdade entre homes e mulleres.

           

        Dende o centro cremos que o  xogo debe ser libre para calquera neno/a, non imposto, aínda que apostamos por ofertar material e ensinarlles a xogar con xogos tradicionais como cancións de corda ou a mariola, ademais de estar preservando as tradicións tamén estaremos potenciando a actividade no noso alumnado, tanto dentro e fora do centro, xa que lles estaremos a dar ferramentas para que eles as apliquen no seu tempo de lecer. 

 FOTOS

Entroido 2018

Xá chegou o Entroido e con el a trouleada , vaia semana levamos, que si imos de romanos, poñemos  unha froita na cachola, enormes corazóns..... é unha tolería;  máis  o mellor chegou o día 9 de febreiro co tradicional desfile polo paseo do Calvario.
Como cada ano, disfrazamonos tendo en conta a PDI da biblioteca, nesta ocasión o lema é:                             "No Pombal as Marabillas do mundo coñecerás"
Fantástico, vaia marabillas !!!! Realmente sorprendemos a todas as familias e viandantes que pola rúa peatonal nos acompañaron . Foi un desfile cheo de contrastes e cor . Reflexaba o traballo e dedicación de alumnado, profesorado e a colaboración de moitas familias.
Agradecemos a implicación e axuda das familias do ANPA a cooperación de protección civil e como non o acompañamento da animada e sempre colaboradora BARAFUNDA. 

                     ( Grazas Lolo por este agasallo que deleitou a pequenos e maiores)

FOTOS  DE  GRUPO

 

Illas atlánticas. Premios curso 16-17. 5º Primaria y exalumnos 1º E.S.O.

Na sede do Parque Nacional  das Illas Atlánticas están expostos os traballos premiados do curso pasado dos nenos e nenas que cursaron 4º de primaria e 6º de primaria no curso 16-17.