viernes, 21 de diciembre de 2012

CHEGOU O NADAL!

Co motivo da chegada do Nadal, o colexio converteuse nun recuncho cheo de maxia, ilusión e alegría que queremos compartir con tod@s.

O profesorado quere agradecer a vosa colaboración e anímavos a seguir así: MOITAS GRAZAS!






 

¡FELIZ NAVIDAD!
BO NADAL!
MERRY CHRISTMAS!

jueves, 20 de diciembre de 2012

REPOSTEIROS POR UN DÍA

Os nenos e nenas de primeiro acabamos este trimestre dun modo moi doce, facendo uns ricos e pequenos biscoitos no colexio.
 
Primeiro puxemos o mandil e cos ingredientes preto comezamos a seguir os pasos que a profe Merce nos ía indicando. Unha vez feita a mestura, botámola nunha taza, cuberta con papel para postres, e metémo-la no microondas durante dous minutos. Como crecía!!!
 
Por certo non só teñen moi boa pinta, senón que están moi ricos. Animámosvos a facelo cos vosos pais. 

Aquí vos deixamos un vídeo cos pasos da receita e co resultado!!! 

martes, 18 de diciembre de 2012

AITOR PONCETE: LA NAVIDAD


Resolvemos o último caso deste ano de Aitor Poncete. Menudo lío, Papanoel e os Reis Magos tiñan os seus regalos mesturados, pero entre todos conseguimos colocar cada un no seu lugar.

O detective tamén quixo darnos a súa felicitación de Nadal, pero estaba escrita nun código secreto que só nós entendemos, así que puxémonos mans á obra e descifrámo-lo.

Queredes ver como foi???? Facede clic no vídeo de abaixo!!!!!!

lunes, 17 de diciembre de 2012

CELEBRAMOS O CENTENARIO DE CELSO EMILIO FERREIRO

O alumnado do O Pombal o 12 do 12 ás 12 sumouse a iniciativa convocada pola coordinadora Galega ENDL recitando un poema do escritor Celso Emilio Ferreiro da súa obra "Longa noite de pedra".
Na entrada do colexio colocamos dous cabaletes con poemas del.
Estivemos traballando varios días a figura e obra deste gran escritor, limos, analizamos, comentamos e seleccionamos o poema.
Ides ver a nosa interpretación do POEMA DEITADO FRENTE AO MAR.
Deste xeito desexamos manifestar, dun modo lúdico, o noso compromiso cívico cara á lingua galega como dí o poema...
Porque si, porque nos peta...
Falar a fala nai.

viernes, 14 de diciembre de 2012

A PIRÁMIDE ALIMENTICIA

Os nenos e nenas de primeiro estivemos a estudar os alimentos: a súa procedencia (vexetal ou animal), se os comemos elaborados ou naturais e o máis importante levar a cabo una alimentación saudable. Para iso, estudamos a pirámide observando cales eran os alimentos dos que menos podemos abusar e os que nunca deben faltar na nosa alimentación. 

Quixemos facer unha pirámide xigante e colgala no cole para non olvidar o aprendido e compartilo co resto do colexio. 

Aquí vos deixamos un vídeo do traballo. Esperamos que vos guste!!!! 


 

martes, 11 de diciembre de 2012

OBRADOIRO DE REGUEIFAS



O 26 de novembro do 2.012 os alumnos/as de 5º e 6º de Educación Primaria tivemos a sorte de ter un OBRADOIRO DE REGUEIFAS, impartido por D. Luís O Caruncho e D. Pinto D´ Herbón.


Esta actividade foi ofertada pola Concellería de NL a través do Servizo de Normalización Lingüística do Concello de Vigo.


A través deste obradoiro o alumnado aprendeu a orixe da regueifa, a importancia da improvisación oral para a súa  creación, do ritmo, da rima , dos xogos de palabras,…


O alumnado escoitou aos regueifeiros con asombro. Qué capacidade para a improvisación!!! 


Logo das explicacións e de elaborar unhas regueifas entre todos, algúns alumnos/as conseguiron crear as súas propias regueifas.


 Aquí tendes unhas imaxes e vídeos do que aconteceu ao longo do obradoiro.




              PRESENTACIÓN                                                         EXPLICACIÓN

                                           
             REGUEIFA DO BOSQUE                                           REGUEIFA DO RÍO

                            

  REGUEIFAS POLO MUNDO                                REGUEIFAS DO ALUMNADO


                                 

miércoles, 5 de diciembre de 2012

AITOR PONCETE: EL OTOÑO

Hoxe tivemos un día do máis normal no cole ata despois do patio. 
Como cada día ao subir do recreo temos a hora de ler que fixemos todos os nenos e nenas xuntos na aula de 1º B. Ata aquí todo normal, pero pouco despois de que cada un fóra a súa aula para seguir traballando tocáronnos á porta e atopamos unha nova mensaxe de Aitor Poncete e un camiño de follas caídas das árbores que levaba dende a aula ata o patio.

Despois de ler a mensaxe, seguimos o camiño de follas e atopamos 4 caixas, dentro, cada caixa, tiña follas escritas recortadas pola metade. Decidimos leva-las para a aula e resolver o misterio.
Mostrámosvos o resultado final e como foi o proceso. 

martes, 4 de diciembre de 2012

A VISITA DE FLOPO

Agora que se achega o Nadal e con el o inverno e o frío, chegou ao cole un boneco de neve chamado Flopo.
É amigo de Gotita, unha pinga de auga que temos na clase de 1º A, pois tamén está feito de auga, pero noutro estado (sólido).
Aquí vos deixamos unha foto del e animávosvos a facer un, é moi sinxelo!!! 






viernes, 30 de noviembre de 2012

RECEITA PARA O SAMAÍN

Os nenos e nenas de 5 anos fixeron para o Samaín a receita de "Cabazas de tortiñas de millo" . Aqui vos deixamos a recita por se queredes repetir a experiencia na casa e un pequeno vídeo do ben e ricas que nos sairon:

CABAZAS DE TORTIÑAS DE MILLO
INGREDIENTES:                                                     UTENSILIOS:

- Tortiñas de millo ou de arroz.  - Un biberón de cociña ou unha manga
- Chocolate branco.                                   pastelera.
- Chocolate negro.                                - Microondas
- Un pouco de leite.                                - Culler ou espátula
- Colorante alimentario de cor laranxa.

PREPARACIÓN:

Fundimos no microondas o chocolate branco e o negro, por separado, con un pouco de leite para que quede máis manexable. Mesturamos ben o chocolate branco co colorante para que quede de cor laranxa. Extendemos o chocolate branco (agora laranxa) sobre un lado das tortas. Metemos o chocolate negro na manga pastelera e debuxamos os ollos, a boca e o naris da cabaza. 
Deixamos enfriar o chocolate para que se poña duro.

MONSTROS

Os nenos e nenas de 5 anos non teñen medo aos monstros, nin as bruxas nin ás pantasmas.

miércoles, 28 de noviembre de 2012

CAMIÑANDO POLA IGUALDADE

Dúas rapazas da Concellería de Igualdade viñeron á escola para facer co alumnado de cinco anos unha actividade na que falamos sobre a importancia de que todos traballemos xuntos na casa e cooperemos nas tarefas cotiás.
Aprendimos a cambiarlle o cueiro aos bebés, a collelos no colo.... querédelo ver?


A PATRULLA VERDE DO POMBAL

Comeza un novo curso e con el a Patrulla Verde do Pombal volve a vixiar que o noso patio quede limpo e que os nenos e nenas aprendan a separar os residuos.


Facemos un recordatorio dos nosos compañeiros e compañeiras que fixeron unha gran labor durante o curso pasado. Algúns aínda están no cole e outros xa marcharon para o instituto.

   MOITAS GRAZAS AMIGO/AS!!!!


Este curso comezamos a patrullar o día 15 de outubro. Aquí vos deixamos as fotos:




lunes, 26 de noviembre de 2012

AITOR PONCETE: LA MEMORIA

Hoxe volveu Aitor Poncete para ver se temos memoria de elefante. O luns pasado fora un desastre, non estudiaramos o poema, pero nesta ocasión saiu todo xenial!!!!! Quedou máis que demostrado que cumprimos os requisitos para ser uns bos detectives: oído, vista e memoria.  Pero que vai ocorrer a partir de agora??? Aitor Poncete marchará??? Teremos máis casos que resolver????

Queredes ver o que ocorreu???? Dádelle o play.


 

Visita da escritora Violeta Monreal

Os nenos e nenas de 5º de primaria recibiron na biblioteca unha visita moi especial. Nada máis e nada menos que a escritora Violeta Monreal!

viernes, 23 de noviembre de 2012

Visita ao Mercado do Berbés

Os días 15 e 22 de Novembro os nenos/as de 4º de primaria fixemos unha visita ao Mercado do Berbés.
Ata alí fomos camiñando, polo que aproveitamos para ver moitas cousas interesantes da nosa cidade: o Monumento ao Traballo (Redeiras); a Farola de Urzáiz; o Museo Marco; a Praza da Constitución co vello edificio do Concello...
Xa no mercado visitamos distintos postos de venta de peixes e mariscos, onde poidemos coñecer as diversas especies que ofertan. Chamounos moito a atención o grandes que poden chegar a ser as centolas!
Logo fixemos un pequeno obradoiro sobre todo aquilo que vimos anteriormente e que resultou moi interesante.
Antes de voltar regaláronnos unhas bolsas que contiñan unhas camisetas. A verdade é que foron moi atentos e moi amables con todos nós.
Para regresar ao colexio collemos o bus na rúa Policarpo Sanz; algúns pagamos coa tarxeta de Vitrasa e outros con diñeiro.
A verdade é que resultou unha saída moi interesante, divertida e útil para desenvolvernos na vida diaria. 
Se non nos credes, mirade o seguinte vídeo:

martes, 20 de noviembre de 2012

TITIRICIRCUS

Os nenos e nenas do primeiro ciclo fomos ver a representación da compañía de Títeres Tanxarina que ten por título "TITIRICIRCUS".

É a historia de dous vellos traballadores dun circo (actores) que nos contan, mediante marionetas de fíos, os números máis importantes de aquel antigo circo xa desaparecido.

Vimos ao home máis forte da Península Ibérica, ao malabarista máis divertido do mundo, a un faquir encantador de serpes e un habilidoso monociclista.

Deixámosvos este vídeo cos mellores momentos da representación.

jueves, 8 de noviembre de 2012

PREPARÁMONOS PARA A CHEGADA DO MAGOSTO

Nesta semana viñeron visitarnos dúas castañas moi simpáticas, Casilda e Hermenegilda, que estiveron acompañándonos durante os preparativos para a celebración do Magosto. 
Aquí vos deixamos unha pequena mostra de todo o traballo. Esperamos que vos guste.

 

miércoles, 7 de noviembre de 2012

APRENDEMOS AO TEMPO QUE XOGAMOS

Os nenos e nenas de primeiro B estivemos reforzando o noso razonamento lóxico, espazo - temporal, numérico a través de xogos. Queredes ver o ben que o pasamos? Fixádevos:




martes, 30 de octubre de 2012

UN DÍA TERRORÍFICO

Hoxe os nenos e nenas do 1º ciclo recibimos unha visita especial de tres bruxas moi peculiares.  
Contáronnos contos, explicáronnos como diferenciar unha bruxa real doutra disfrazada e para finalizar fixeron unha pócima máxica para que os nenos e nenas xa non teñan medo a nada!

Aquí vos deixamos unhas fotos terroríficas do momento!!!

 

lunes, 29 de octubre de 2012

XOGAMOS COS SENTIDOS

Os nenos e nenas de primeiro estivemos a estudar os cinco sentidos e quixemos polos a proba. 

Por grupos, as mestras, tapáronnos os ollos, deixamos que os nosos sentidos se activaran e comentamos entre todos as sensacións producidas.

Probamos distintos sabores (doce, salgado, amargo), texturas (áspero e suave), sons (agradables e desagradables)...
 
Queredes ver o ben que o pasamos? Dádelle ao play.

sábado, 27 de octubre de 2012



 
Os mestres/as queremos darvos a benvida a este novo curso 2012/2013.

A partir de agora este blogue servirá para presentar novas interesantes, traballos feitos polos nenos e nenas, saídas, actividades escolares e moitas máis sorpresas...

Así que xa sabedes, se non vos queredes perder nada e queredes estar informados, consultádeo a miúdo.


Un saúdo.

viernes, 26 de octubre de 2012

AITOR PONCETE: LA VISTA

Hoxe volvimos recibir na nosa aula un comunicado de Aitor Poncete; nesta ocasión debíamos demostrarlle a nosa vista de lince. Como? Pois resolvendo unha mensaxe secreta.

Despois de moito pensar, decidimos ir á biblioteca do centro porque é alí onde semana tras semana exercitamos a nosa vista á vez que viaxamos con eses contos fantásticos!! E non estabamos moi equivocados, cando chegamos atopamos o maletín de Aitor Poncete e as súas pistas para resolver o misterio.

Queredes ver o ben que o pasamos e todo o que aprendimos?????? Pois dádelle o play!!!!!

lunes, 22 de octubre de 2012

A voltas coa lingua

O alumnado de 1º participou nunha actividade chamada "Ludoteca lingüística". Dun xeito lúdico, fixeron distintas probas para combater un "virus" que paraliza a lingua cando queremos falar no idioma galego. Pasárono moi, moi ben. Fixádevos:

jueves, 11 de octubre de 2012

AITOR PONCETE: EL OIDO

Ultimamente, nas clases de primeiro están o ocorrer cousas extrañas, pero a máis inquetante de todas foi a aparición dun cartel na porta da aula:

 
Quen será este Aitor Poncete? Porque puxo este letreiro na nosa porta? 
Tiñamos un montón de dúbidas que non foron resoltas ata que un día apareceu unha mensaxe.



Así que é un detective de letras en busca de colaboradores!!!
Hoxe fomos convocados polo DETECTIVE AITOR PONCETE para axudarlle nos seus casos e demostrarlle que somos uns grandes detectives. Despois da hora de ler deixounos unha carta na que nos dicía que para ser un bo detective debemos ter: un bo oído, unha boa vista e unha memoria de elefante!!!! Polo que hoxe debemos demostrarlle que temos un oido moi agudo, que non se nos escapa nin un son. 
Dentro do maletín tiñamos todo o material necesario para pasar tres probas. Aínda que ao principio costounos un pouco, ao final soubemos resolver o caso sen problemas!!!!!!
Queredes ver como o fixemos? Dádelle ao play.