MAGOSTO 2019

 A FESTA DO MAGOSTO resultou  animada e superlúdica.  Durante a  semana comezaron  os preparativos,   elaborando as nosas creativas caixas de aula e cestiños  para as castañas. Aprendemos unha canción para este día.

 Novamente contamos con xogos que tan amablemente nos presta a asociación de xogos tradicionais e o concello do Grove. E este ano tamén estreamos os nosos propios xogos. 

 O pavillón do centro foi o campo de xogos para o alumnado de 3º,4ºe 5º, a zona de paso, foi o lugar de xogos para o alumando de 1º,2º e 3º, debido ao mal tempo tivemos que utilizar o gimnasio e os porches do colexio.

  O alumnado de E.Infantil gozou da xornada de xogos na súa zona. Elaboraron uns fantásticos cestiños para as súas castañas.

 O alumnado de 6º participou como colaboradores ,asesorando e axudando aos mais pequenos. Todos/as gozaron pasando polos  postos con propostas inxeniosas e que "molaban" moito.

 Para finalizar, chegou a papatoria das riquísimas castañas asadas que nos preparou o castañeiro que adoita estar polo barrio do Calvario.

 

PASÁMOLO  XENIAL!!

                                          

VISITA AO CONCELLO DE VIGO

O pasado 5 de novembro o alumnado de 6º de Educación Primaria visitamos o Concello da nosa cidade.
Recibíronnos na Lonxa os nosos guías que nos foron amosando as distintas dependencias.
Alí aprendemos cómo funciona  a Sala de Prensa. Tamén coñecemos  a sala de Control de Tráfico chea de pantallas enormes. No laboratorio puidemos ver cómo se analiza a auga e incluso participamos co alcalde no Salón de Plenos dunha pequena rolda de preguntas. Sentímonos como concelleiros por un día.
En definitiva, unha mañá chea de cousas interesantes. Unha boa experiencia.

O NOSO ANIVERSARIO

Achégase o día en que celebraremos o noso aniversario. 
                           Xa temos 70 anos!!!
Imaxinade a cantidade de nenos e nenas que pasaron polas nosas aulas...
Dende o Pombal queremos conmemorar de maneira moi especial, este importante acontecemento o día 22 de novembro.

 Estade atentos/as, irémosvos informando.

CURSO 2019-20

BENVIDOS E BENVIDAS, ao cole este lugar máxico de  novedades, desafíos, xogos.... Achégase  un curso  cheo de alegrías, descubrementos, ilusións .... Xuntos lograremos que os nosos soños se fagan realidade.